იუსტიციისა და სამოქალაქო ინტეგრაციის სამინისტრო
ახალი ამბები
ბაკურიანში გამართულ შეხვედრაზე აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის მინისტრმა ალიონა ჩხოტუამ, აფხაზეთის საინფორმაციო-ანალიტიკური ცენტრის ხელმძღვანელ ეკა წივწივაძესთან ერთად, ახალგაზრდებთან, ქართულ-აფხაზური დიალოგის მნიშვნელობაზე ისაუბრა და ურთიერთგაგების საკითხები განიხილა.
ღონისძიება ასევე მოიცავდა პანელს „სამშვიდობო ინიციატივები და დიალოგის როლი”, რომელსაც აფხაზეთის მეომართა კავშირის მეთაურთა საბჭოს თავმჯდომარე ლევან ქეცბაია უძღვებოდა.
ბაკურიანში ჩატარებული ტრენინგები გუნდურ მუშაობას, ლიდერობასა და სამშვიდობო ჟურნალისტიკას დაეთმო. პრაქტიკული სესიების დროს ახალგაზრდებმა პოდკასტების ჩაწერაზე, ხმის დამუშავებაზე, გადაღებასა და მონტაჟზე იმუშავეს. გაიმართა ფილმის ჩვენება და განხილვა.
პროექტის მიზანია ახალგაზრდების მედიაუნარების განვითარება და ციფრული კომუნიკაციის საშუალებით დიალოგისა და მშვიდობის მშენებლობაში მათი ჩართულობის გაძლიერება.
შემაჯამებელი ფორუმი 25 ნოემბერს ზუგდიდში გაიმართება, სადაც პროექტის ფარგლებში მომზადებული 6 პოდკასტისა და 10 მოკლე ვიდეორგოლის საჯარო პრეზენტაცია გაიმართება.
პროექტში ხონსა და წყალტუბოში მცხოვრები 16-29 წლის 40 ახალგაზრდა, მათ შორის აფხაზეთიდან დევნილი მოზარდები მონაწილეობენ.
ოთხი შაბათ-კვირის განმავლობაში მონაწილეები მშვიდობის მნიშვნელობაზე, კონფლიქტების მშვიდობიან მართვასა და აქტიურ მოქალაქეობაზე იმუშავებენ. ტრენინგები ასევე დაეთმობა მედიაწიგნიერებას, დეზინფორმაციასთან ბრძოლას, ტურიზმის როლს კულტურული დიალოგის განვითარებაში, აფხაზეთის ისტორიულ მეხსიერებასა და კულტურულ მემკვიდრეობას.
მიღებული ცოდნის პრაქტიკაში გამოსაყენებლად ახალგაზრდები მცირე სამოქალაქო ინიციატივებს შეიმუშავებენ, რომლებსაც საკუთარ მუნიციპალიტეტებში განახორციელებენ.
პროექტი 17 ოქტომბრიდან 28 ნოემბრის ჩათვლით გაგრძელდება და ხონის სათემო განათლების ცენტრში შემაჯამებელი ღონისძიებით დასრულდება.
პროექტში 25 სტუდენტი, მათ შორის აფხაზეთიდან დევნილი ახალგაზრდები მონაწილეობენ.
პროექტის ფარგლებში დაგეგმილია 12 ტრენინგი, რომელიც აფხაზეთის ისტორიულ და კულტურულ მეხსიერებას, კონფლიქტისა და უსაფრთხოების საკითხებს, ნდობის აღდგენისა და დიალოგის პრაქტიკულ გამოცდილებას დაეთმობა.
გარდა ტრენინგებისა, პროექტი, ასევე, ითვალისწინებს „მეხსიერების ლაბორატორიის” შექმნას, ასევე პოლიტიკის დოკუმენტისა (Policy Paper) და პრაქტიკული რეკომენდაციების მომზადებას.
გახსნის ღონისძიებას აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის სამინისტროს სამშვიდობო და სამოქალაქო ინტეგრაციის პოლიტიკის დეპარტამენტის უფროსი თამარ ზვიადაური და მისი მოადგილე ნინო ციხელაშვილი დაესწრნენ.
ტრენინგები აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის სამინისტროს მხარდაჭერით ტარდება.
გიორგი ჯინჭარაძემ და აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის მინისტრმა ალიონა ჩხოტუამ სამინისტროს თანამშრომლებს პროფესიული დღე მიულოცეს და გაწეული საქმიანობისთვის მადლობა გადაუხადეს.
პროფესიულ დღესთან დაკავშირებით, მთავრობის თავმჯდომარემ და მინისტრმა მრავალწლიანი კეთილსინდისიერი სამსახურისა და სამინისტროს საქმიანობაში შეტანილი წვლილისთვის მადლობის სიგელებითა და სიმბოლური საჩუქრებით ორი თანამშრომელი დააჯილდოვეს:
• დარეჯან გაბესკირია - აფხაზეთის ავტონომიური რესპუბლიკის არქივის სამმართველოს უფროსი სპეციალისტი.
• ნინო ციხელაშვილი - სამინისტროს სამშვიდობო და სამოქალაქო ინტეგრაციის პოლიტიკის დეპარტამენტის უფროსის მოადგილე.
ღონისძიებას აფხაზეთის ავტონომიური რესპუბლიკის მთავრობის აპარატის უფროსი გიორგი სუთიძეც ესწრებოდა. დაჯილდოების ცერემონია სამინისტროს საკონფერენციო დარბაზში გაიმართა.
მინისტრმა დამსწრე საზოგადოებას სიტყვით მიმართა, სადაც სამშვიდობო პროცესებში ახალგაზრდების ჩართულობის, დიალოგისა და ნდობის აღდგენის მნიშვნელობაზე ისაუბრა და ამ მიმართულებით საგანმანათლებლო სივრცეების როლს გაუსვა ხაზი.
სამშვიდობო ცენტრი საქართველოს განათლების, მეცნიერებისა და ახალგაზრდობის მინისტრის მოადგილემ ზვიად გაბისონიამ და უნივერსიტეტის რექტორმა თეონა ხუფენიამ გახსნეს.
ახალი სივრცე სტუდენტებს, მკვლევრებს, საერთაშორისო ორგანიზაციებისა და სამოქალაქო საზოგადოების წარმომადგენლებს შესაძლებლობას მისცემს, ითანამშრომლონ სამშვიდობო მიმართულებით და ხელი შეუწყონ კვლევითი და საგანმანათლებლო საქმიანობის განვითარებას.
ღონისძიების ფარგლებში, დამსწრე საზოგადოებას სიტყვით, ასევე, აფხაზეთის ავტონომიური რესპუბლიკის განათლებისა და კულტურის მინისტრმა გიორგი ძაძამიამ და ზუგდიდის მუნიციპალიტეტის მერმა დავით კოდუამ მიმართეს.
ცენტრის გახსნას ადგილობრივი ხელისუფლების წარმომადგენლები, სასულიერო პირები, პროფესორები, სტუდენტები და სხვა მოწვეული სტუმრები ესწრებოდნენ.
სამშვიდობო ცენტრების შექმნის ინიციატივა 2022 წელს დაიწყო, როდესაც პირველი ცენტრი სამცხე-ჯავახეთის სახელმწიფო უნივერსიტეტში გაიხსნა. წელს ინიციატივას ზუგდიდის შოთა მესხიას სახელობის სახელმწიფო უნივერსიტეტთან ერთად ბათუმის შოთა რუსთაველის სახელობის სახელმწიფო უნივერსიტეტი, სოხუმის სახელმწიფო უნივერსიტეტი და გორის სახელმწიფო უნივერსიტეტი შეუერთდნენ.
ცენტრის მიზანია სამშვიდობო განათლების ხელშეწყობა, ახალგაზრდებში ტოლერანტობის, ურთიერთპატივისცემისა და სამოქალაქო ცნობიერების გაძლიერება და ამ მიმართულებით აკადემიური რესურსების გაერთიანება.
თამაზ ნადარეიშვილი დაიბადა 1954 წლის 19 ივლისს ქალაქ გაგრაში. დაამთავრა გაგრის საშუალო სკოლა, ხოლო 1981 წელს სოხუმის სახელმწიფო უნივერსიტეტის ისტორიის ფაკულტეტი.
თამაზ ნადარეიშვილი იყო პოლიტოლოგიის მეცნიერებათა დოქტორი, პროფესორი, გაეროს საერთაშორისო ინფორმატიზაციის აკადემიის აკადემიკოსი, აფხაზეთის მეცნიერებათა აკადემიისა და კავკასიის საერთაშორისო აკადემიის აკადემიკოსი, საქართველოს პარლამენტის წევრი, აფხაზეთის უმაღლესი საბჭოს დეპუტატი, საქართველოს ეროვნული უშიშროების საბჭოს წევრი, გენერალ-მაიორი, აფხაზეთის ავტონომიური რესპუბლიკის უმაღლესი საბჭოს თავმჯდომარე, აფხაზეთის მინისტრთა საბჭოს თავმჯდომარე, ამავე დროს აფხაზეთის თავდაცვისა და უშიშროების საბჭოს თავმჯდომარე, საქართველოს სახელმწიფო მეთაურის მრჩეველი, საქართველოს მინისტრთა კაბინეტის ვიცე-პრემიერი.
თამაზ ნადარეიშვილს მინიჭებული აქვს გენერალ-მაიორის სამხედრო წოდება, ის დაჯილდოებულია ვახტანგ გორგასლის I ხარისხის ორდენით, არის გიორგი შერვაშიძის სახელობის სახელმწიფო პრემიის ლაურეატი. არჩეული იყო ინფორმატიზაციის საერთაშორისო აკადემიის აკადემიკოსად. დაცული ჰქონდა სადოქტორო დისერტაცია თემაზე „ეთნიკური წმენდა და გენოციდი აგრესიული სეპარატიზმის იარაღი“. არის აფხაზეთის პრობლემატიკაზე გამოცემული ოთხი წიგნის, რამდენიმე მონოგრაფიის და მრავალი პუბლიკაციის ავტორი.
ყვარელში, იუსტიციის სასწავლო ცენტრში, აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის სამინისტროს პროექტი „ახალგაზრდების შესაძლებლობების გაძლიერება მშვიდობის მშენებლობისა და დიალოგის ხელშეწყობისთვის“ დასრულდა.
მშვიდობის მშენებლობის, ნდობის აღდგენისა და დიალოგის საკითხებთან დაკავშირებულ პროექტში 24 დევნილი ახალგაზრდა მონაწილეობდა.
სამი დღის განმავლობაში პროექტის მონაწილეებმა მიიღეს ინფორმაცია სამშვიდობო პროცესებისა და შერიგების საკითხებზე, იმსჯელეს ახალგაზრდების როლსა და ჩართულობაზე, ერთმანეთს გაუზიარეს მოსაზრებები და გამოცდილება და პრაქტიკული აქტივობების საშუალებით შესაბამისი უნარების განვითარებაზე იმუშავეს.
პროექტის მონაწილეებს აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის მინისტრის პირველი მოადგილე ბორის გაბუნია შეხვდა. პროექტის ფარგლებში ასევე გაიმართა შეხვედრა სახელმწიფო მინისტრის აპარატის შერიგების და ჩართულობის პოლიტიკის დეპარტამენტის უფროსთან, ზვიად ზვიადაძესთან, რომელმაც ახალგაზრდებთან სამშვიდობო პოლიტიკისა და შერიგების საკითხებზე ისაუბრა.
პროექტის ფარგლებში, ახალგაზრდებს შესაძლებლობა ჰქონდათ, სხვადასხვა საკითხები განეხილათ, საკუთარი ხედვები წარმოედგინათ და დიალოგის პროცესში აქტიურად ჩართულიყვნენ.
პროექტი მიზნად ისახავდა ახალგაზრდების ცოდნისა და შესაძლებლობების გაძლიერებას, მათი მონაწილეობის ხელშეწყობას მშვიდობის მშენებლობის, ნდობის აღდგენისა და შერიგების პროცესებში.
აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის მინისტრი ალიონა ჩხოტუა სოხუმის სახელმწიფო უნივერსიტეტში ახალი სასწავლო წლის დაწყებისა და პირველკურსელთა მიღებისადმი მიძღვნილ საზეიმო ღონისძიებას დაესწრო.
მინისტრმა პირველკურსელებს სტუდენტური ცხოვრების დაწყება მიულოცა და წარმატებები უსურვა.
ღონისძიებას საქართველოს განათლების, მეცნიერებისა და ახალგაზრდობის მინისტრის მოადგილე ზვიად გაბისონია, ასევე აფხაზეთის ავტონომიური რესპუბლიკის მთავრობისა და უმაღლესი საბჭოს წარმომადგენლები ესწრებოდნენ.
საზეიმო ღონისძიება ერთობლივი ფოტოგადაღებითა და მუსიკალური პროგრამით დასრულდა
აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის მინისტრის მოადგილე ელენე არდაზიშვილი, აფხაზეთის ავტონომიური რესპუბლიკის ფინანსთა და ეკონომიკის მინისტრ თენგიზ ნასარიძესთან ერთად, ქუთაისში აფხაზეთის N5 საჯარო სკოლაში ახალი სასწავლო წლის დაწყებისადმი მიძღვნილ ღონისძიებას დაესწრო.
ელენე არდაზიშვილმა და თენგიზ ნასარიძემ მოსწავლეებს, პედაგოგებსა და მშობლებს ახალი სასწავლო წლის დაწყება მიულოცეს და მოსწავლეებს წარმატებული, საინტერესო და ნაყოფიერი სასწავლო წელი უსურვეს.
წელს სკოლა 13 პირველკლასელს მიიღებს. ახალი სასწავლო წლის დაწყების აღსანიშნავად პირველკლასელებს აფხაზეთის მთავრობის წარმომადგენლებმა საჩუქრები გადასცეს.
ღონისძიების ფარგლებში მოსწავლეებმა მუსიკალური და საცეკვაო ნომრები შეასრულეს და სტუმრებს საკუთარი შემოქმედება წარუდგინეს.
ღონისძიების დასრულების შემდეგ მთავრობის წარმომადგენლებმა სკოლის ინფრასტრუქტურა დაათვალიერეს და სკოლის ხელმძღვანელობასთან სასწავლო პროცესთან დაკავშირებულ საკითხებზე ისაუბრეს.
აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის სამინისტროს ორგანიზებით, აფხაზეთიდან დევნილი, განსაკუთრებული საჭიროების მქონე მოზარდებისა და მათი მშობლებისთვის, ბაკურიანში, პროექტი „აფხაზეთიდან დევნილი შშმ მოზარდებისა და მათი მშობლების ინტეგრაციისა და სოციალიზაციის ხელშეწყობა“ განხორციელდა.
ღონისძიებას აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე და აფხაზეთის იუსტიციისა და სამოქალაქო ინტეგრაციის მინისტრი ალიონა ჩხოტუა დაესწრნენ.
მთავრობის თავმჯდომარემ მოზარდების სოციალური ინტეგრაციის ხელშეწყობაზე ისაუბრა და აღნიშნა, რომ აფხაზეთის მთავრობა მსგავსი ინიციატივების მხარდაჭერას მომავალშიც აქტიურად გააგრძელებს.
პროექტი ერთი კვირის განმავლობაში მიმდინარეობდა და მასში აფხაზეთიდან დევნილი, განსაკუთრებული საჭიროების მქონე 20 მოზარდი და მათი მშობლები მონაწილეობენ.
ახალგაზრდები ჩართული იყვნენ ხატვის, ძერწვისა და სხვადასხვა გუნდურ-შემოქმედებით აქტივობებში. მშობლებისთვის კი ჩატარდა თემატური ტრენინგები, რომლებიც შვილის განვითარების თავისებურებების უკეთ გაცნობიერებას, საჭიროებების სწორად დანახვასა და მხარდაჭერის პრაქტიკული უნარების გაძლიერებას ემსახურება.
პროექტი აფხაზეთის იუსტიციისა და სამოქალაქო ინტეგრაციის სამინისტროს მიერ ყოველწლიურად ხორციელდება და მისი მიზანია განსაკუთრებული საჭიროების მქონე მოზარდების თვითგამოხატვისა და კომუნიკაციის უნარების განვითარება, მათი სოციალიზაციის ხელშეწყობა, ასევე მშობლების გაძლიერება და შვილების განვითარების პროცესში მათი მხარდაჭერა.